రియాద్: సౌదీ అరేబియా, స్పెయిన్ వాణిజ్య సంబంధాలలో కీలక ముందడుగు పడింది. రెండు దేశాల మధ్య నైపుణ్యాన్ని మార్పిడి చేసుకోవడానికి, ఆర్థిక సంబంధాలను పెంపొందించడానికి ఒక అవగాహన ఒప్పందం (MoU)పై సౌదీ అరేబియా, స్పెయిన్ సంతకం చేశాయి. ఈ అవగాహన ఒప్పందంపై సౌదీ ఆర్థిక, ప్రణాళిక మంత్రి ఫైసల్ అలీబ్రహీం.. స్పానిష్ ఆర్థిక, వాణిజ్య మరియు వ్యాపార మంత్రి కార్లోస్ క్యూర్పో కాబల్లెరో సంతకం చేశారు.

ఆర్థిక నమూనా, ఉమ్మడి భాగస్వామ్యాలు, కార్యక్రమాల ద్వారా చిన్న మరియు మధ్య తరహా సంస్థలకు (SMEలు) మద్దతు ఇవ్వడంతో ఆర్థిక కార్యక్రమాలలో ఉమ్మడి ప్రాజెక్టులు, ద్వైపాక్షిక భాగస్వామ్యాన్ని సులభతరం చేయడం వంటి సహకార రంగాలను ఈ ఒప్పందం వివరిస్తుంది. సౌదీ విజన్ 2030 లక్ష్యాలకు అనుగుణంగా పరిశ్రమ, సాంకేతికత, ఇన్నోవేషన్ వంటి రంగాలలో సమాచార మార్పిడిని కూడా ఇది కవర్ చేస్తుందన్నారు. ఈ సందర్భంగా పలు కీలక అంశాలపై తమ అభిప్రాయాలను షేర్ చేసుకున్నారు.