భువనేశ్వర్‌: కేంద్ర ప్రభుత్వం తాజాగా ఒక కీలక నిర్ణయం తీసుకుంది. భారత ప్రభుత్వ ఆధ్వర్యంలోని జనగణన కార్యకలాపాలు మరియు పౌర నమోదు విభాగం (డైరెక్టర్ ఆఫ్ సెన్సస్ ఆపరేషన్స్ అండ్ డైరెక్టర్ ఆఫ్ సిటిజన్ రిజిస్ట్రేషన్–DCR) కు ఒడిశా రాష్ట్రంలో ఐఏఎస్ అధికారి నిఖిల్ పవన్ కళ్యాణ్‌ను డైరెక్టర్‌గా నియమించింది.

ఈ మేరకు విడుదలైన అధికారిక ఉత్తర్వుల ప్రకారం, నిఖిల్ పవన్ కళ్యాణ్ డిసెంబర్ 31, 2025 వరకు లేదా తదుపరి ఉత్తర్వులు వచ్చే వరకు తన పదవిలో కొనసాగనున్నారు.

ఈ నియామకంతో అతనికి ఒడిశాలో జరిగే రాబోయే జనగణన బాధ్యతలు అప్పగించబడ్డాయి.ఈ సారి జనగణనలో కుల గణాంకాలు (కాస్త్ ఎన్యూమరేషన్) కూడా నిర్వహించనుండటంతో ఇది మరింత ప్రాధాన్యత కలిగిన పని అయింది.

ఇది ఒక సుదీర్ఘ ప్రక్రియగా కొనసాగనుండగా, రాష్ట్రంలోని అన్ని జిల్లాల్లో సమగ్ర సమాచార సేకరణ, డిజిటల్ ప్రాసెసింగ్ మరియు సరైన రికార్డుల నిర్వహణ కోసం అధికారుల సమన్వయం అవసరం.ఈ క్రమంలో నిఖిల్ పవన్ కళ్యాణ్‌కు సమగ్ర అనుభవం ఉన్నందున, ఆయన నియామకాన్ని కేంద్రం ప్రాధాన్యంగా తీసుకుంది.

జనగణన కేవలం జనాభా లెక్కలకే కాకుండా, సామాజిక, ఆర్థిక గణాంకాలపై ప్రభుత్వానికి క్లియర్ దృక్పథాన్ని అందించడానికి ఎంతో కీలకంగా నిలుస్తుంది.