విక్రమ్‌, నయనతారా, నిత్యామేనన్‌ ప్రధాన పాత్రల్లో రూపుదిద్దుకుంటున్న తమిళ చిత్రం 'ఇరుముగన్‌'. ఈ చిత్రాన్ని తెలుగులో 'ఇంకొక్కడు' అనే టైటిల్‌తో విడుదల చేస్తున్నారు. ఇందులోని ఓ పాట టీజర్‌ను ఈ నెల 16న విడుదల చేస్తున్నట్లు చిత్ర మ్యూజిక్‌ భాగస్వామి సోని మ్యూజిక్‌ సౌత్‌ తమ ట్విట్టర్‌ ఖాతా ద్వారా వెల్లడించింది. ఈ సందర్భంగా ఒక పోస్టర్‌ను అభిమానులతో పంచుకుంది. ఆనంద్‌శంకర్‌ దర్శకత్వం వహిస్తున్న ఈ చిత్రాన్ని థమీన్స్‌ ఫిల్మ్స్‌ పతాకంపై శిభు థమీన్స్‌ నిర్మిస్తున్నారు. నాజర్‌, తంబి రామయ్య, బాల, కరునాకరణ్‌ తదితరులు ఈ చిత్రంలో ప్రధాన పాత్రల్లో నటిస్తున్నారు. ఇటీవల ఈ చిత్రం తెలుగు టీజర్‌ విడుదలైన సంగతి తెలిసిందే.