మనామా: బహ్రెయిన్ లోని కింగ్ ఫైసల్ హైవేపై ట్రాఫిక్‌కు వ్యతిరేకంగా వాహనం నడిపిన మహిళను అధికారులు అరెస్టు చేశారు. తదుపరి దర్యాప్తు కోసం పబ్లిక్ ప్రాసిక్యూషన్ కు రిఫర్ చేశారు. 

అంతకుముందు, సదరు మహిళ కింగ్ ఫైసల్ హైవేపై ట్రాఫిక్‌కు వ్యతిరేకంగా వాహనం నడుపుతున్న వీడియో సోషల్ మీడియాలో వైరలైంది. దాంతో జనరల్ డైరెక్టరేట్ ఆఫ్ ట్రాఫిక్ అధికారులు రంగంలోకి దిగారు. మహిళ నడిపిన వాహనాన్ని గుర్తించి స్వాధీనం చేసుకున్నారు. అంత నిర్లక్ష్యంగా డ్రైవింగ్ చేసి తనతోపాటు ఇతరుల ప్రాణాలకు ప్రమాదకరంగా మారిన మహిళను అరెస్ట్ చేసి, కేసును పబ్లిక్ ప్రాసిక్యూషన్‌కు రిఫర్ చేశారు. కాగా, ఆమె తన నేరాన్ని అంగీకరించింది.  

ఈ సందర్భంగా ట్రాఫిక్ చట్టాలు, నిబంధనలను పాటించడం యొక్క ప్రాముఖ్యతను ట్రాఫిక్ ప్రాసిక్యూషన్ అధిపతి తెలియజేశారు. రోడ్డు భద్రత ప్రతి ఒక్కరి బాధ్యత అని, ట్రాఫిక్ చట్టాలను పాటించడం చాలా అవసరమని పేర్కొన్నారు.