కువైట్: అంతర్గత వ్యవహారాల మంత్రిత్వ శాఖ ఖైతాన్‌లో భద్రతా,  ట్రాఫిక్ ఆపరేషన్ ను నిర్వహించింది. ఇందులో భాగంగా 705 ట్రాఫిక్ సైటేషన్లు జారీ చేశారు. నివాస, కార్మిక చట్టాలను ఉల్లంఘించిన 20 మందిని అరెస్టు చేశారు.  గుర్తింపు లేకుండా తిరుగుతున్న ముగ్గురిని అదుపులోకి తీసుకున్నారు. అదే విధంగా పరారీలో ఉన్న 10 మంది వ్యక్తులతోపాటు అరెస్ట్ వారెంట్లు జారీ అయిన 12 మందిని కూడా అధికారులు అరెస్టు చేశారు.

అలాగే, అనుమానిత మాదకద్రవ్యాలు, మద్యం కలిగి ఉన్న ఐదుగురు అనుమానితులను అదుపులోకి తీసుకున్నారు. ట్రాఫిక్ ఉల్లంఘనలకు సంబంధించి ఒక వాహనాన్ని స్వాధీనం చేసుకున్నారు. ఇప్పటికే కేసులు ఉన్న ఇద్దరు వ్యక్తులను అరెస్ట్ చేసి సంబంధిత అధికారులకు అప్పగించినట్లు మంత్రిత్వశాఖ వెల్లడించింది.