యూఏఈః ఖతార్‌లోని అల్ ఉదీద్ సైనిక కేంద్రంపై టెహ్రాన్ మిస్సైల్స్ తో దాడి చేసిన విషయం తెలిసిందే. ఈ నేపథ్యంలో ఇరాన్ ఇతర గల్ఫ్ దేశాలతో విశ్వాసాన్ని పునర్నిర్మించుకోవాలని యూఏఈ దౌత్యవేత్త అన్వర్ గర్గాష్ పిలుపునిచ్చారు. ఈ మేరకు ఎక్స్ లో పోస్ట్ చేశారు. ఈ ప్రాంతంలోని దేశాలు ఇరాన్‌పై ఇజ్రాయెల్ యుద్ధానికి వ్యతిరేకంగా ఒక వైఖరిని తీసుకున్నాయని గుర్తుచేశారు. "పరిస్థితిని తగ్గించడానికి అన్ని అంతర్జాతీయ వేదికల ద్వారా పని చేస్తున్నాయని, అణు ఫైల్ వంటి అపరిష్కృత సమస్యల పరిష్కారానికి పిలుపునిచ్చాయని" అన్నారు.

 అయినా, ఇరాన్ "సోదర దేశమైన ఖతార్ సార్వభౌమత్వాన్ని లక్ష్యంగా చేసుకుంది. ఇది మనందరినీ ప్రభావితం చేసే చర్య.టెహ్రాన్ తన గల్ఫ్ పొరుగు దేశాలతో విశ్వాసాన్ని పునర్నిర్మించుకోవాల్సిన అవసరం ఉంది." అని ఆయన అన్నారు.