వాహనదారులకు శుక్రవారం నుంచి తెలంగాణ రవాణాశాఖ అన్ని సేవలను ఆన్‌లైన్‌ ద్వారా అందించేందుకు రంగం సిద్ధం చేసింది. అన్ని సేవలకు ముందస్తుగా ఆన్‌లైన్‌లో స్లాట్‌ బుక్‌ చేసుకునే సదుపాయం కల్పించనుంది. డ్రైవింగ్‌ లైసెన్సు, రిజిస్ట్రేషన్లు, వాహన సామర్థ్యం పత్రాలు ఆన్‌లైన్‌లో పొందవచ్చు. వీటితో పాటు వాహన యాజమాన్య బదిలీ, అనుమతి పునరుద్ధరణ తదితర అన్నీ సేవలకు ఆన్‌లైన్‌ వేదిక కానుంది. రవాణాశాఖ ఇప్పటికే 15 రకాల సేవలను ఆన్‌లైన్‌ ద్వారా అందిస్తోంది. కాగా మిగిలిన 42 రకాల సేవలను అదే పద్ధతిలో అందించేందుకు ఏర్పాట్లు చేసింది. ఆర్టీఏ కార్యాలయంలో స్లాట్‌బుకింగ్‌ తర్వాత నిర్ణీత సమయంలో సేవలు పొందే అవకాశం ఉంది.

నగర సమస్యలు యాప్‌ ద్వారా ఫిర్యాదులు ఇక నుంచి హైదరాబాద్‌ నగరంలో ప్రజలు ఎదుర్కొనే సమస్యలను మొబైల్‌ యాప్‌ ద్వారా ఫిర్యాదు చేయవచ్చు. మొబైల్‌ యాప్‌ ఫిర్యాదుల ఆధారంగా సమస్యల పరిష్కారంపై జీహెచ్‌ఎంసీ దృష్టి సారించింది.