స్థానిక బచ్చుపేట హిందూ కాలేజీ ఆవరణలోని ఎస్వీ పబ్లిక్ స్కూల్ లో గురువారం ఉదయం నుంచీ ఉషా దంత వైద్యశాల వారు ఉచిత దంత వైద్య శిబిరం నిర్వహించారు.  డాక్టర్ జొన్నలగడ్డ ఉషాకాంతి, డాక్టర్ కరుణశ్రీ, డాక్టర్ లీలారాణి సాయంత్రం వరకూ ఉండి రెండు వందలకు పైగా పిల్లలకు ఉచిత దంత పరీక్షలు నిర్వహించారు.  దంత సంరక్షణ బాగా చేసుకుంటున్న పిల్లలకు బహుమతులిచ్చి  ప్రోత్సహించారు.  డాక్టర్ ఉషా కాంతి మాట్లాడుతూ రోజుకు రెండు సార్లైనా పళ్ళు తోముకోవాలనీ, చాక్లెట్లు, పళ్లకు అంటుకునే పదార్ధాలు తిన్న వెంటనే పుక్కిలించి శుభ్రపరచుకోవటం అలవాటు చేసుకుంటే పిప్పి పళ్ళు, ఇతర సమస్యలకు దూరంగా ఉండవచ్చని సూచించారు. పరీక్షించిన పిదప పిల్లలందరికీ సూచనలతో కూడిన పత్రాలను, బ్రష్షు, పేస్టులు పంచారు.