హైదరాబాద్‌ నగరానికే తలమానికంగా నిర్మించిన బాహ్య వలయ రహదారి(ఔటర్‌ రింగ్‌రోడ్‌) శుక్రవారం నుంచి పూర్తిస్థాయిలో అందుబాటులోకి వచ్చింది. ఘట్‌కేసర్‌ నుంచి శామీర్‌పేట్‌ వరకు నిర్మించిన 21కిలోమీటర్ల మార్గాన్ని మంత్రి కేటీఆర్‌ ఈరోజు ప్రారంభించారు. దీంతో ఓఆర్‌ఆర్‌ పూర్తిస్థాయిలో 158 కిలోమీటర్లు అందుబాటులోకి వచ్చింది. దీంతో దేశంలోనే అత్యంత పొడవైన ఔటర్‌ రింగ్‌రోడ్డుగా హైదరాబాద్‌ ఓఆర్‌ఆర్‌ రికార్డులకెక్కింది. ఈ కార్యక్రమంలో మంత్రులు పద్మారావు, మహేందర్‌రెడ్డి, జగదీశ్‌రెడ్డి, జీహెచ్‌ఎంసీ మేయర్‌ బొంతు రామ్మోహన్‌ తదితరులు పాల్గొన్నారు.