ఫ్రాన్స్‌లోని నీస్‌లో బాస్టిల్‌ డే సంబరాలు చేసుకుంటున్న సమయంలో ఓ ట్రక్కు మృత్యుశకటంలా ప్రజలపైకి దూసుకెళ్లి 80 మందికి పైగా బలితీసుకున్న విషయం తెలిసిందే. ఈ విషయమై దర్శకుడు రామ్‌ గోపాల్‌ వర్మ ట్విట్టర్‌ ద్వారా మరోసారి తనదైన శైలిలో స్పందించారు.'నీస్‌లో జరిగిన ఘటన బాగో లేదు. ఇలాంటి తీవ్ర ఘటనలు ఎక్కడైనా జరగొచ్చు. జరగకుండా ఉండాలని దేవుణ్ణి ప్రార్థించాలని ఉంది కానీ ఏ దేవుడిని ప్రార్థించాలో తెలియడంలేదు. ఇలాంటి సామూహిక హత్యలు చేయడానికి బాంబులు అవసరంలేదు, వాహనాలు ఉంటే చాలని ఈ ఘటన నిరూపించింది. నీస్‌ దాడిని ఖండిస్తున్నాం అంటూ రాజకీయ నేతలు చేస్తున్న వ్యాఖ్యలు జోకుల్లాగా మారిపోయాయి. ఇలాంటి దాడులకు పాల్పడే క్రూరులు మంచి మాటలు వింటారా?' అని ట్విట్టర్‌ ద్వారా వెల్లడించారు వర్మ.