హైదరాబాద్: టాలీవుడ్ లో విషాదం నెలకొంది. నటుడు ఫిష్ వెంకట్ మృతి చెందారు. ఆయన వయసు 53 ఏళ్లు. హైదరాబాద్ చందానగర్ పీఆర్కే ఆసుపత్రిలో చికిత్స పొందుతూ ఫిష్ వెంకట్ కన్నుమూశారు. ఫిష్ వెంకట్ కొంతకాలంగా కిడ్నీ సంబంధ సమస్యతో బాధపడుతున్నారు.ఆరోగ్య పరిస్థితి విషమించడంతో శుక్రవారం రాత్రి తుది శ్వాస విడిచారు. ఫిష్ వెంకట్ అసలు పేరు మంగళంపల్లి వెంకటేశ్.ముషీరాబాద్ లో చేపల వ్యాపారంతో ఫిష్ వెంకట్ గా గుర్తింపు పొందారు.100కు పైగా సినిమాల్లో హాస్య నటుడిగా, క్యారెక్టర్ ఆర్టిస్ట్ గా నటించారు. ఆయన మరణంతో సినీ పరిశ్రమలో విషాదం అలుముకుంది. సినీ రంగానికి చెందిన పలువురు ఫిష్ వెంకట్ మృతికి సంతాపం తెలిపారు.