కువైట్ః కువైట్ విదేశీ కార్మికులకు అగ్ర గమ్యస్థానంగా తన స్థానాన్ని బలోపేతం చేసుకుంది. స్థిరమైన జీవన పరిస్థితులు, ఆధునిక మౌలిక సదుపాయాలు,  కార్మికులకు అనుకూలమైన వాతావరణం కారణంగా.. కువైట్ ప్రపంచవ్యాప్తంగా ఉన్న కార్మికులను ఆకర్షిస్తోంది.
ప్రస్తుతం, 169 విభిన్న దేశాలకు చెందిన విదేశీ కార్మికులు కువైట్లో పనిచేస్తున్నారు. ఈ వైవిధ్యం కువైట్ సమాజం, భిన్నమైన సాంస్కృతిక స్వభావాన్ని హైలైట్ చేస్తుందని తెలిపారు. ఆరోగ్యం, విద్య, నిర్మాణం, చమురు, సేవలు, సాంకేతికత వంటి అనేక ముఖ్యమైన రంగాలలో నైపుణ్యం కలిగిన కార్మికులు తమ సేవలను అందిస్తున్నారని వెల్లడించారు.  
మరోవైపు, దేశ న్యాయ వ్యవస్థ కార్మికుల హక్కులను రక్షించడంలో సహాయపడుతుందన్నారు.  
తాజా అధికారిక డేటా ప్రకారం.. కువైట్ మొత్తం లేబర్ ఫోర్సులో దాదాపు 2.21 మిలియన్ల మంది కార్మికులు ఉన్నారు. వీరిలో 1.72 మిలియన్లు పురుషులు,  489,500 మంది మహిళలు ఉన్నారు.