మినిస్ట్రీ ఆఫ్‌ ఎడ్యుకేషన్‌, ఒమన్‌లో టీచర్ల కొరత ఉన్నట్లు వెల్లడించింది. 100 మంది స్టూడెంట్స్‌కి కేవలం ఒకే టీచర్‌ అందుబాటులో ఉన్నట్లు అధికారిక గణాంకాలు వెల్లడిస్తున్నాయి. షురా కౌన్సిల్‌, మినిస్టర్‌ ఆఫ్‌ ఎడ్యుకేషన్‌ మదిహా అల్‌ షైబానితో జరిగిన సమావేశంలో ఓ మెంబర్‌, స్కూళ్ళలో పరిమితికి మించి విద్యార్థులు ఉంటున్నారనీ, వారికి తగినట్లుగా టీచర్లు లేరనే విషయాన్ని ప్రస్తావించారు. అల్పెన్‌ క్యాపిటల్స్‌ గల్ఫ్‌ కోఆపరేషన్‌ కౌన్సిల్‌ ఎడ్యుకేషన్‌ సెక్టార్‌ రిపోర్ట్‌ 2016 ప్రకారం 2020 నాటికి 1,115,486 విద్యార్థులు ఉంటారని ఓ అంచనా. 3.6 పెరుగుదలతో 2020 నాటికి 12.6 మిలియన్ల నుంచి 15 మిలియన్లకు విద్యార్థుల సంఖ్య చేరనుందని ఓ అంచనా. ఒమన్‌, ఖతార్‌, యునైటెడ్‌ అరబ్‌ ఎమిరేట్స్‌ మిగతా జిసిసి దేశాలతో పోల్చితే ఎక్కువగా విద్యార్థుల్ని కలిగి ఉంటారని నివేదిక వెల్లడిస్తోంది. అయితే విద్యార్థుల పెరుగుదలకు తగ్గట్లుగా టీచర్ల పెరుగుదల కనిపించడంలేదు. ఆ విభాగంలో తగు చర్యలు తీసుకోవాలని పలువురు విజ్ఞప్తి చేస్తున్నారు.