మలయాళ నటుడు మోహన్‌లాల్‌, నటి గౌతమి ప్రధాన పాత్రలో నటిస్తున్న 'మనమంతా' చిత్రాన్ని ఆగస్టు 5న విడుదల చేస్తున్నారు. చిత్ర దర్శకుడు చంద్రశేఖర్‌ యేలేటి తన ఫేస్‌బుక్‌ ఖాతా ద్వారా విడుదల విషయాన్ని వెల్లడిస్తూ.. పోస్టర్‌ను అభిమానులతో పంచుకున్నారు. నాలుగు కథలు, మూడు భాషల్లో ఆగస్టు 5న విడుదల చేస్తున్నట్లు పోస్ట్‌ చేశారు. వారాహి చలనచిత్రం బ్యానర్‌పై సాయి కొర్రపాటి ఈ చిత్రానికి నిర్మాతగా వ్యవహరిస్తున్నారు. తెలుగు, మలయాళం, తమిళ భాషల్లో ఈ చిత్రాన్ని ప్రేక్షకుల ముందుకు తీసుకువస్తున్నారు. మహేష్‌ శంకర్‌ చిత్రానికి సంగీతం సమకూరుస్తున్నారు.