రాష్ట్రంలోని ముస్లిం యువతుల పెళ్లి ఖర్చుల కోసం ప్రభుత్వం షాదీముబారక్ పథకాన్ని ప్రవేశపెట్టిన విషయం తెలిసిందే. ఈమేరకు ఇవాళ ఈ పథకంలోని నిబంధనల్లో స్వల్ప మార్పులు చేసింది. కళ్యాణలక్ష్మి తరహాలో తహశీల్దార్‌ల ఆధ్వర్యంలో దరఖాస్తులను పరిశీలించనున్నారు. షాదీముబారక్ లబ్దిదారుల జాబితాకు స్థానిక ఎమ్మెల్యేలు ఆమోదం తెలుపనున్నారు. శాసన సభ్యుల చేతుల మీదుగా లబ్దిదారులకు చెక్కులను అందజేయనున్నారు. కాగా, పేద దళిత, గిరిజన, బీసీ, ఓబీసీ కుటుంబాల్లోని పెళ్లీడు ఆడకూతళ్లకు అందిస్తున్న విధంగా పేద ముస్లిం యువతుల పెళ్లి ఖర్చుల కోసం ప్రభుత్వం షాదీముబారక్ పథకం ప్రవేశపెట్టిన విషయం తెలిసిందే. ఈ పథకంలో లబ్దిదారు పెళ్లి కూతురు ఖాతాలో ప్రభుత్వం రూ.51 వేలు జమ చేస్తుంది.