రియాద్: సివిల్ డిఫెన్స్ కు సంబంధించి సహకారంపై ఒమన్, సౌదీ అరేబియాలు చర్చలు జరిపాయి. ఒమన్ సివిల్ డిఫెన్స్ మరియు అంబులెన్స్ అథారిటీ చైర్మన్ మేజర్ జనరల్ సులైమాన్ అలీ అల్ హుస్సేనీ ఆధ్వర్యంలో ప్రతినిధి బృందం  సౌదీ అరేబియాలోని పౌర రక్షణ డైరెక్టరేట్ జనరల్‌ను సందర్శించింది.
పౌర రక్షణ రంగంలో నైపుణ్యాన్ని షేర్ చేసుకోవడం, రెండు దేశాల మధ్య ద్వైపాక్షిక సంబంధాలను పెంపొందించే చర్యలను సమీక్షించారు.అంతకుముందు ఒమన్ ప్రతినిధి బృందాన్ని సౌదీ అరేబియా  సివిల్ డిఫెన్స్ డైరెక్టర్ జనరల్ మేజర్ జనరల్ డాక్టర్ హమౌద్ సులేమాన్ అల్-ఫరాజ్ స్వాగతం పలికారు. అనంతరం సౌదీ సివిల్ డిఫెన్స్ ఇన్స్టిట్యూట్ ను సందర్శించారు. అ సందర్భంగా సివిల్ డిఫెన్స్ సిబ్బందికి వివిధ స్థాయిలలో అందించే ప్రత్యేక శిక్షణా కార్యక్రమాల గురించి వివరించారు.