దోహ: ఖతార్ లో బ్యాంకింగ్ రంగం స్థిరమైన వృద్ధితో దూసుకుపోతుంది.  గతేడాది జూన్ నెలతో పోల్చితే ఈ ఏడాది జూన్ నెలలో ఖతార్ బ్యాంకింగ్ రంగం బలమైన వృద్ధిని నమోదు చేసింది. ఖతార్ సెంట్రల్ బ్యాంక్ (QCB) విడుదల చేసిన తాజా నివేదిక ప్రకారం.. ఖతార్ లోని వాణిజ్య బ్యాంకుల ఆస్తులు, దేశీయ డిపాజిట్లు, క్రెడిట్ మరియు మనీ సఫ్లైలో గణనీయమైన పెరుగుదల నమోదైంది.  

వాణిజ్య బ్యాంకుల మొత్తం ఆస్తులు గతేడాది జూన్ నెలలో QR2 ట్రిలియన్లు ఉండగా, ఈ ఏడాది 6.3 శాతం పెరిగి QR2.13 ట్రిలియన్లకు చేరుకున్నాయి.   అదే సమయంలో మొత్తం దేశీయ డిపాజిట్లు 1.9 శాతం పెరిగి QR850.5 బిలియన్లకు చేరుకున్నాయి.  ఇక మొత్తం దేశీయ క్రెడిట్ 5.2 శాతం పెరిగి QR1.33 ట్రిలియన్లకు చేరుకుంది. నగదు, చెకింగ్ డిపాజిట్లు మరియు బ్రాడ్ మనీ సప్లై 1.1 శాతం పెరిగి QR740.3 బిలియన్లకు చేరుకున్నాయి.