కువైట్ః కువైట్ లో భవన ఉల్లంఘనలకు సంబంధించి అధికారులు తనిఖీలు ప్రారంభించారు. పలు ప్రాంతాలలో కొనసాగుతున్న నిర్మాణ పనులను అధికారులు తనిఖీలు చేశారని హవల్లి మునిసిపాలిటీ హెడ్ మేషారి అల్-తుర్కైత్ తెలిపారు. ఈ సందర్భంగా నిర్మాణ సైట్లలో మున్సిపల్ చట్టాలపై అవగాహన కల్పించారు. నిబంధనలు ఉల్లంఘించే వారిపై చట్టపరమైన చర్యలు తీసుకుంటామని హెచ్చరించారు. హవల్లిలో నిర్వహించిన తనిఖీలో పది నిర్మాణ ప్రాంతాల్లో ఉల్లంఘనలను గుర్తించి, వాటికి నోటీసులు జారీ చేసినట్లు తెలిపారు.  సహల్ అప్లికేషన్ ద్వారా చట్టాన్ని ఉల్లంఘించిన వారికి నోటీసులు పంపినట్టు అల్-తుర్కైత్ వెల్లడించారు.