దుబాయ్ః ఫాస్ట్ లేన్‌లో నెమ్మదిగా డ్రైవింగ్ చేసే వాహనదారులను దుబాయ్ పోలీసులు హెచ్చరించారు. ఇలాంటి ధోరణి ఇతర వాహనదారులకు ప్రమాదకరం అని తెలిపింది.  ఫాస్ట్ లేన్‌లలో కనీస పరిమితి కంటే ఎక్కువ వేగాన్ని కొనసాగించాలని దుబాయ్ పోలీసులు సూచించారు.  కనీస వేగం కంటే ఎక్కువ వేగంతో వెల్లడం ద్వారా ట్రాఫిక్ సమస్యలు కూడా తీరతాయని పేర్కొన్నారు.    
2023లో యూఏఈలో కనీస వేగ పరిమితి కంటే తక్కువ వేగంతో వాహనం నడిపినందుకు 300,147 మంది వాహనదారులకు జరిమానాలు విధించినట్లు ట్రాఫిక్ అథారిటీ వెల్లడించింది. యూఏఈలోని ఫెడరల్ ట్రాఫిక్ చట్టం ప్రకారం, కనీస వేగ పరిమితి కంటే తక్కువ వేగంతో వాహనాన్ని నడిపితే Dh400 జరిమానా విధించబడుతుందని హెచ్చరించారు. ఈ సందర్భంగా వాహనదారులకు పలు సూచనలు చేశారు. వాహనదారులు తమ వేగానికి సరిపోయేలా సరైన లేన్ ను ఎంచుకోవాలన్నారు. వాహనదారులు తాము వెళ్లే లేన్‌కు నిర్దేశించిన వేగంతో వెళ్లాలని సూచించారు.