మనామాః భారత  78వ స్వతంత్ర దినాన్ని పురస్కరించుకుని ఇండియన్ లేడీస్ అసోసియేషన్ (ILA) ఆధ్వర్యంలో పలు కార్యక్రమాలను నిర్వహించనున్నారు. ఇందులో భాగంగా ఆగస్టు 16 సాయంత్రం 4:30 నుండి 7:00 గంటల వరకు ఎపిక్స్ సినిమా, డానా మాల్‌లో  ఇండియా 78: అన్‌ప్లగ్డ్ పేరుతో ప్రత్యేక క్విజ్ ప్రోగ్రామ్ ను నిర్వహించనున్నారు. ఇందులో స్కూల్స్, కార్పొరేట్ సంస్థలు, కమ్యూనిటీ గ్రూపులు పాల్గొనవచ్చని ప్రకటించారు.
క్విజ్ లో భాగంగా భారతదేశ సంస్కృతి, చరిత్ర మరియు పొలిటికల్, విద్యా రంగానికి సంబంధించిన ప్రశ్నలు ఉంటాయని ఇండియన్ లేడీస్ అసోసియేషన్ ప్రెసిడెంట్ స్మితా జెన్సన్ తెలిపారు.విజేతలుగా నిలిచిన వారికి ఆకర్షణీయమైన బహుమతులు అందజేస్తామని తెలిపారు. రిజిస్ట్రేషన్ స్లాట్‌లు పరిమితంగానే ఉన్నాయని, అర్హులైన వారు వెంటనే అప్లై చేసుకోవాలని సూచించారు.