దోహా: ఖతార్ లో లైసెన్స్ లేని గన్స్ సేల్స్ తోపాటు హ్యూమన్ ట్రాఫికింగ్ కేసులు భారీగా పెరుగుతున్నాయి. వీటిపై ప్రత్యేక చర్యలు చేపట్టిన ఖతార్ అంతర్గత వ్యవహారాల మంత్రిత్వ శాఖ ఇద్దరు పౌరులతో సహా ఐదుగురు అనుమానితులను అరెస్టు చేసింది. విశ్వసనీయ సమాచారం మేరకు భద్రతా ఆపరేషన్ చేపట్టి వారిని గుర్తించినట్లు తెలిపింది. అనంతరం వారి వద్ద నుంచి పెద్దమొత్తంలో గన్స్ ను స్వాధీనం చేసుకున్నట్లు పేర్కొంది. అరెస్టయిన వారిని పబ్లిక్ ప్రాసిక్యూషన్‌కు పంపినట్లు పేర్కొన్నది. లైసెన్స్ లేని తుపాకీలను కలిగి ఉండటం లేదా వ్యాపారం చేయడం ద్వారా భద్రతకు భంగం కలిగించే వారిపై చట్ట ప్రకారం కఠిన చర్యలు తీసుకుంటాని హెచ్చరించింది.