దోహా: ఖతార్ సముద్ర తీరంలో భారీగా హషీష్ ను జనరల్ డ్రగ్ కంట్రోల్ డైరెక్టరేట్ సీజ్ చేసింది. ఖతార్ సముద్ర సరిహద్దుల గుండా సుమారు 100 కిలోల నార్కోటిక్ హషీష్ అక్రమంగా రవాణా చేస్తుండగా అడ్డుకున్నట్లు అంతర్గత వ్యవహారాల మంత్రిత్వ శాఖ ఒక ప్రకటనలో వెల్లడించింది.  

డ్రగ్స్ రహిత సమాజం కోసం నిరంతరం తమ ప్రయత్నాలు కొనసాగుతాయని పేర్కొంది. సమాజంలో చీడ పురుగులా విస్తరిస్తున్న డ్రగ్ మహమ్మారిని అరికట్టేందుకు పగడ్బందీగా చర్యలు తీసుకుంటున్నట్లు తెలిపింది. డ్రగ్స్ సరఫరా చేస్తూ దొరికిన నిందితులపై కఠిన చర్యలు తీసుకుంటామని హెచ్చరించింది.  ఏదైనా డ్రగ్ సంబంధిత సమాచారాన్ని తెలియజేసి, సహకరించాలని అంతర్గత వ్యవహారాల మంత్రిత్వ శాఖ ప్రజలను కోరింది.