మనామా: బహ్రెయిన్ లో ఇక వివాహానికి ముందు ఆరోగ్య పరీక్షలు ఇక తప్పనిసరి కానున్నాయి.  ప్రతినిధుల మండలిలోని సేవల కమిటీ ఈ కొత్త పార్లమెంటరీ ప్రతిపాదనను సమీక్షిస్తుంది. ముసాయిదా చట్టం ప్రకారం వివాహానికి ముందు మానసిక ఆరోగ్య, మాదకద్రవ్య వినియోగ, జన్యు మరియు అంటు వ్యాధుల పరీక్షలను చేయించుకోవాలి.

ఆరోగ్యకరమైన కుటుంబాలకు బలమైన పునాదులను వేయడం ఈ ఆరోగ్య పరీక్షల లక్ష్యమని ఈ బిల్లు ప్రధాన స్పాన్సర్లలో ఒకరైన MP బాస్మా ముబారక్ అన్నారు. సౌదీ అరేబియా అమలు చేస్తున్న ప్రీ-మ్యారేజ్ స్క్రీనింగ్ ప్రోగ్రామ్ వల్ల మంచి ఫలితాలు వచ్చాయని,  దాదాపు 60శాతం హానికర వివాహాలను తగ్గించాయని తెలిపారు. వివాహానికి ముందు ఆరోగ్య పరీక్షల ద్వారా బహ్రెయిన్ కుటుంబాలకు బలమైన వైద్య, మానసిక మరియు సామాజిక రక్షణ లభిస్తుందని ముబారక్ అన్నారు.