కువైట్: కువైట్ లోని అహ్మదిలోని అవర్ లేడీ ఆఫ్ అరేబియా చర్చిని మైనర్ బాసిలికా హోదాకు వాటికన్ పెంచింది  ఈ గౌరవాన్ని పొందిన అరేబియా గల్ఫ్ ప్రాంతంలో ఇది మొదటి చర్చిగా నిలిచింది. ఈ నిర్ణయాన్ని ఒక చారిత్రాత్మక మైలురాయిగా కువైట్‌లోని అపోస్టోలిక్ వికార్, బిషప్ యూజీన్ మార్టిన్ నుజెంట్ అభివర్ణించారు.  ఈ చర్చి విశ్వాసం, ఐక్యతకు దారిచూపే దీపంగా ఉంటుందని, మత సామరస్యానికి చిహ్నంగా పనిచేస్తుందని నుజెంట్ తెలిపారు.

1949లో పోప్ పియస్ XII ద్వారా ఆశీర్వాం పొందిన.. 2011లో పోప్ బెనెడిక్ట్ XVI తరపున కిరీటం పొందిన అవర్ లేడీ ఆఫ్ అరేబియా విగ్రహం చర్చిలో ఉంది. అవర్ లేడీ ఆఫ్ అరేబియా చర్చి గల్ఫ్ ప్రాంతంలో మొట్టమొదటి మైనర్ బాసిలికాగా గుర్తింపు పొందనుంది.