మస్కట్: బౌషర్‌లోని విలాయత్‌లో అగ్నిప్రమాదం చోటుచేసుకుంది. ఓ ప్రైవేట్ స్థలంలో చెలరేగిన మంటలను మస్కట్ గవర్నరేట్‌లోని సివిల్ డిఫెన్స్, అంబులెన్స్ అథారిటీకి చెందిన అగ్నిమాపక బృందాలు సకాలంలో స్పందించి ఆర్పివేశాయి. అయితే అప్పటికే మంటల కారణంగా సమీపంలోని వృక్ష సంపదకు నష్టం వాటిల్లింది. పోలీసులు ఏవియేషన్ టీమ్ సమన్వయంతో మంటలను సకాలంలో ఆర్పివేయడంతో, మంటలు ఇతర ప్రాంతాలకు వ్యాపించకుండా నిరోధించగలిగారు. దాంతో పెను విపత్తు తప్పిందని అధికారులు పేర్కొన్నారు.