రియాద్: సౌదీ అరేబియా వెలుపల ఉండి, విశ్వసనీయత లేని ఆన్‌లైన్ స్టోర్‌ను నిర్వహిస్తున్న ఆన్ లైన్ స్టోర్ ను వాణిజ్య మంత్రిత్వ శాఖ బ్లాక్ చేసింది.  ఇది రాగితో తయారు చేసి, బంగారం పూతతో తయారుచేసిన నకిలీ బంగారం విక్రయాలను చేస్తున్నట్లు వెల్లడించింది. 

సౌదీ మార్కెట్‌ను లక్ష్యంగా చేసుకున్న ఈ స్టోర్, మార్కెట్ విలువలో సగం ధరకే బంగారం అంటూ ప్రకటనలు ఇస్తూ..అమాయకులను మోసం చేస్తున్నట్లు అధికారులు గుర్తించారు. E-కామర్స్ చట్టంలోని నిబంధనలను అనుసరించి స్టోర్‌ను వెంటనే బ్లాక్ చేసినట్లు మంత్రిత్వశాఖ తెలిపింది.

ఆన్ లైన్ ద్వారా కొనుగోలు చేసే ముందు ఆయా ఆన్‌లైన్ స్టోర్‌ల విశ్వసనీయతను ధృవీకరించుకోవాలని, మోసాల నుండి తమను తాము రక్షించుకోవడానికి తెలియని వెబ్‌సైట్‌లలో కొనుగోలుకు దూరంగా ఉండాలని సూచించింది.