మస్కట్: ఒమన్‌లో తక్కువ ధరకు విమాన సర్వీసులు అందించే సలాం ఎయిర్ తన ఉత్తేజకరమైన “బ్రేకింగ్ ఫేర్స్” ప్రచారాన్ని ప్రారంభించింది. దీని ద్వారా ప్రయాణికులు 19.99 OMR ధరలకు తమకిష్టమైన గమ్యస్థానాలకు ప్రయాణించే అవకాశాన్ని కల్పించింది. మస్కట్ నుండి దోహా, దుబాయ్, అలెగ్జాండ్రియా, కువైట్, దమ్మామ్, హైదరాబాద్, కాలికట్, బెంగళూరు, చెన్నై, జైపూర్, ఇస్లామాబాద్, లాహోర్, కరాచీ, టెహ్రాన్, షిరాజ్, ఢిల్లీ, సియాల్‌కోట్ మరియు ముల్తాన్‌లతో సహా దాని విస్తృత నెట్‌వర్క్‌లోని వివిధ నగరాలకు ప్రయాణించే అవకాశం కల్పిస్తుందని సలాం ఎయిర్ మార్కెటింగ్ హెడ్ ఖాదీజా అల్ కిండి తెలిపారు.  

ఈ ఆఫర్ ఆగస్టు 24 నుండి ఆగస్టు 28 వరకు కొనసాగుతుంది.  ప్రయాణికులు అక్టోబర్ 1 మరియు నవంబర్ 30 మధ్య తమ ప్రయాణాలను బుక్ చేసుకోవచ్చు. సీట్లు పరిమితంగా ఉన్నాయని, బుకింగ్‌లను సలాంఎయిర్ అధికారిక వెబ్‌సైట్ www.salamair.com ద్వారా లేదా ఎయిర్‌లైన్ అధీకృత సేల్స్ ఛానెల్‌ల ద్వారా చేసుకోవాలని సూచించారు.