హైదరాబాద్‌: హైదరాబాద్‌లో జరిగిన బయోడిజైన్ ఇన్నోవేషన్ సమ్మిట్‌లో ముఖ్యమంత్రి రేవంత్ రెడ్డి  కీలక వ్యాఖ్యలు చేశారు. తెలంగాణను లైఫ్ సైన్సెస్ రంగానికి కేంద్రంగా మారుస్తామని ఆయన అన్నారు. “దేవుడు గొప్ప డిజైనర్, ప్రకృతి ఉత్తమ గురువు. మనం మంచి విద్యార్థులమా కాదా అన్నదే ప్రశ్న” అని వ్యాఖ్యానించారు. తెలంగాణ రైజింగ్ 2047 అనే కొత్త ప్రయాణాన్ని ప్రారంభించామని, అప్పటికి రాష్ట్రాన్ని $3 ట్రిలియన్ల ఆర్థిక వ్యవస్థగా తీర్చిదిద్దుతామని తెలిపారు.

లైఫ్ సైన్సెస్ రంగంలో ఆవిష్కరణలు చేయడానికి తెలంగాణ సరైన వేదిక అని ముఖ్యమంత్రి రేవంత్ రెడ్డి పేర్కొన్నారు. రాష్ట్రంలో ఉన్న పరిశోధన, అభివృద్ధి వనరులు, మౌలిక సదుపాయాలు ఈ రంగానికి ప్రోత్సాహాన్ని ఇస్తాయని చెప్పారు. లైఫ్ సైన్సెస్ రంగం అభివృద్ధి కోసం ప్రభుత్వం అన్ని విధాలా సహకారం అందిస్తుందని ఆయన హామీ ఇచ్చారు.

సీఎం రేవంత్ రెడ్డి చేసిన ఈ వ్యాఖ్యలు తెలంగాణలో లైఫ్ సైన్సెస్ రంగానికి మరింత ఊతమిస్తాయని పరిశీలకులు భావిస్తున్నారు.ఈ సమ్మిట్‌లో పాల్గొన్న దేశ, విదేశీ ప్రతినిధులు ముఖ్యమంత్రి వ్యాఖ్యలను స్వాగతించారు. తెలంగాణలో లైఫ్ సైన్సెస్ రంగం మరింత వేగంగా అభివృద్ధి చెందుతుందని, మరిన్ని పెట్టుబడులను ఆకర్షిస్తుందని ఆశాభావం వ్యక్తం చేశారు.