దోహా: ఖతార్ స్థానిక మార్కెట్లో 1,019 ఔషధ ఉత్పత్తుల ధరలను తగ్గిస్తున్నట్లు ప్రజారోగ్య మంత్రిత్వ శాఖ (MoPH) ప్రకటించింది. వీటిపై 15 శాతం నుండి 75 శాతం వరకు తగ్గింపులు ఉన్నాయి. గుండె, రక్తపోటు, మధుమేహం, నొప్పి నివారణ, క్యాన్సర్ చికిత్సలు, యాంటీబయాటిక్స్, అలెర్జీ చికిత్సలు, యాంటిడిప్రెసెంట్స్, మానసిక మందులు, జీర్ణశయా  సంబంధిత మందులు, బరువు తగ్గించే మందులు వంటి అనేక రకాల మెడిసిన్స్ ధరలు తగ్గాయని ప్రజారోగ్య మంత్రిత్వ శాఖలోని ఫార్మసీ మరియు డ్రగ్ కంట్రోల్ విభాగం డైరెక్టర్ డాక్టర్ ఐషా ఇబ్రహీం అల్ అన్సారీ తెలిపారు. ఖతార్ లో నమోదైన ఔషధ ఉత్పత్తుల ధరలను ఫార్మసీ మరియు డ్రగ్ కంట్రోల్ విభాగం క్రమం తప్పకుండా సమీక్షిస్తుందన్నారు.  మెడిసిన్ జాబితా మరియు వాటి ధరల కోసం  ప్రజారోగ్య మంత్రిత్వ శాఖ వెబ్‌సైట్‌ను సందర్శించాలని సూచించారు.