విక్టరీ వెంకటేష్, అందాల తార నయనతార నటించిన బాబు బంగారం చిత్రం రిలీజ్ డేట్ ఫిక్స్ చేసుకోవడంతో చిత్ర యూనిట్ ప్రమోషన్ స్పీడ్ మరింత పెంచారు. మారుతి దర్శకత్వంలో తెరకెక్కిన ఈ చిత్ర షూటింగ్ ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఆగష్టు 12న విడుదల కానున్న ఈ సినిమాకు సంబంధించిన ఆడియో ఆవిష్కరణ వేడుక ఈ నెల 24న హైద్రాబాద్‌లో పెద్ద ఎత్తున జరగనుంది. ఆడియోపై మంచి హైప్ తెచ్చేందుకు మూవీ టీం వెరైటీ ప్రమోషన్స్ చేస్తున్నారు. హైద్రాబాద్‌లోని ఎఫ్.ఎం స్టేషన్లో తాజాగా బాబు బంగారం టీమ్, థీమ్ సాంగ్‌ను విడుదల చేసింది. దిల్లున్న వాడే అంటూ సాగే ఈ పాట మ్యూజిక్ లవర్స్ ని అలరిస్తోంది. గిబ్రాన్ తనదైన స్టైల్ లో ఈ చిత్రానికి చక్కని బాణీలు అందించారు. వెంకటేష్ ఈ చిత్రంలో ఏసీపీ కృష్ణగా కనిపించనున్నాడు.