సలాలా: పెట్టుబడిదారుల కోసం గోల్డెన్ రెసిడెన్సీ కార్యక్రమం దీర్ఘకాలిక పెట్టుబడులకు ఆకర్షణీయమైన గమ్యస్థానంగా ఒమన్ స్థానాన్ని పటిష్టం చేయనుంది. ఇది పెట్టుబడిదారులకు మరియు వారి కుటుంబాలకు పదేళ్లపాటు రెసిడెన్సీ సదుపాయాన్ని అందిస్తుందని ఒమన్ వాణిజ్యం, పరిశ్రమలు మరియు పెట్టుబడి ప్రమోషన్ మంత్రి ఖైస్ బిన్ మొహమ్మద్ అల్ యూసఫ్ తెలిపారు.  

గోల్డెన్ వీసా పొందేందుకు ఇంటిగ్రేటెడ్ టూరిజం కాంప్లెక్స్‌లలో ప్రాపర్టీ కొనుగోలు, కంపెనీని స్థాపించడం, ప్రభుత్వ బాండ్లు లేదా వాటాల కొనుగోలుతోపాటు బ్యాంక్ డిపాజిట్లు కూడా ఉన్నాయని అన్నారు. సలాలాలోని సుల్తాన్ కబూస్ యూత్ కాంపౌండ్ ఫర్ కల్చర్ అండ్ ఎంటర్‌టైన్‌మెంట్‌లో "సస్టైనబుల్ బిజినెస్ ఎన్విరాన్‌మెంట్" అనే కార్యక్రమంలో ఆయన పాల్గొని మాట్లాడారు.   

ఈ కార్యక్రమంలో భాగంగా పెట్టుబడిదారుల కోసం గోల్డెన్ రెసిడెన్సీ ప్రోగ్రామ్, ఒమన్ బిజినెస్ ప్లాట్‌ఫామ్‌లో ఎలక్ట్రానిక్ అటెస్టేషన్ ద్వారా కంపెనీ యాజమాన్యాన్ని బదిలీ చేసే సేవలతోపాటు  నిర్మాణ రంగంలో వ్యూహాత్మక సహకారానికి సంబంధించి పలు ఒప్పందాలను కుదుర్చుకున్నారు.