ఎమిరేటీ మహిళ, కారు ప్రమాదంలో మృతిచెందింది. ఆమె ప్రయాణిస్తున్న కారు, ఓ ట్రక్‌లోకి దూసుకుపోయింది. ఈ ప్రమాదంలో కారుకి మంటలు అంటుకున్నాయి. దుబాయ్‌ వైపుగా ఉన్న యాస్‌ రోడ్డులో ఈ ప్రమాదం జరిగింది. సోమవారం సాయంత్రం 5 గంటల సమయంలో ఈ రోడ్డు ప్రమాదం చోటుచేసుకుంది. ప్రమాదం గురించి తెలుసుకున్న వెంటనే పోలీసులు స్పందించారు. రహదారిపై ఎక్కడా ట్రాఫిక్‌ ఇబ్బందులు తలెత్తకుండా చర్యలు చేపట్టారు. మృతదేహాన్ని ఆసుపత్రికి తరలించారు. రహదారిపై ప్రయాణించేవారు ట్రాఫిక్‌ రూల్స్‌ని పాటించాలంటూ పోలీసులు విజ్ఞప్తి చేశారు. భద్రతే ముఖ్యమని, ఈ విషయంలో వాహనదారులు జాగ్రత్తగా ఉండాలని కోరారు.