దోహా: ఆరోగ్య సంరక్షణ ఆవిష్కరణలో ఖతార్ మరింత బలోపేతం అయింది. హమద్ మెడికల్ కార్పొరేషన్ (HMC)లోని లాబొరేటరీ మెడిసిన్ మరియు పాథాలజీ విభాగం (DLMP) అధికారికంగా హోల్ ఎక్సోమ్ సీక్వెన్సింగ్ (WES) పరీక్షను ప్రారంభించింది. ఈ సంచలనాత్మక పరీక్షలు జన్యు విశ్లేషణలో ఒక ప్రధాన ముందడుగుగా భావిస్తున్నారు. ఖతార్‌లోని రోగుల జన్యు ప్రొఫైల్‌కు అనుగుణంగా వేగవంతమైన, మరింత ఖచ్చితమైన రోగ నిర్ధారణలు చేయడంతోపాటు అత్యంత మెరుగైన చికిత్సలను అందించేందుకు వీలు కల్పిస్తుంది.

ఈ కొత్త పరీక్షా టెక్నాలజీ పెద్దలు మరియు పిల్లలు,  జన్యుపరమైన జబ్బులతో బాధపడుతున్న రోగులకు, అలాగే కొన్ని రకాల క్యాన్సర్ ఉన్నవారికి ప్రయోజనం చేకూరుస్తుందని మెడికల్ కార్పొరేషన్ వెల్లడించింది. గతంలో, ఈ పరీక్షల కోసం రోగుల రక్త నమూనాలను విదేశాలకు పంపాల్సి వచ్చేదని, దాంతో ఈ ప్రక్రియకు ఫలితాలు రావడానికి చాలా సమయం పట్టేదని, ఇప్పుడా పరిస్థితి తప్పిందని, వేగంగా టెస్ట్ ఫలితాలను పొందవచ్చని DLMP చైర్ డాక్టర్ ఐనాస్ అబ్దులాజీజ్ అల్-కువారీ తెలిపారు.