యూఏఈ: రాస్ అల్ ఖైమాలోని వాడి ఎస్ఫిటాలో ఓ ఇంట్లో గ్యాస్ సిలిండర్ పేలుడు ఘటన చోటుచేసుకుంది. గ్యాస్ సిలిండర్ పేలుడులో ఒక డొమెస్టిక్ వర్కర్ తీవ్రంగా గాయపడ్డాడు.  పేలుడు దాటికి ఇళ్లు దెబ్బతిన్నది. కాగా, గ్యాస్ పేలుడు సమయంలో ఇంట్లో వారు లేకపోవడంతో ప్రాణ నష్టం తప్పిందని పోలీసులు తెలిపారు. కాగా, గ్యాస్ పైప్ ను ఎలుక కొరకడంతో గ్యాస్ లీక్ అయి ప్రమాదం జరిగిందని ప్రథామికంగా అధికారులు నిర్ధారించారు.   

ఇక తీవ్రంగా గాయపడ్డ 40 ఏళ్ల డొమెస్టిక్ వర్కర్ కు ఐసీలో చికిత్స అందిస్తున్నారు.  పరిస్థితి విషమంగా ఉంది, దాదాపు 20 శస్త్రచికిత్సలు అవసరమని డాక్టర్లు తెలిపారు. ఆమెకు మొదట ఫుజైరా ఆసుపత్రిలో చికిత్స అందించగా, తర్వాత ఆమె గాయాల తీవ్రత కారణంగా షేక్ ఖలీఫా స్పెషాలిటీ ఆసుపత్రికి తరలించారు.