షేక్‌ జాయెద్‌ రోడ్‌ని గురువారం అర్థరాత్రి నుంచి మూసివేయనున్నట్లు రోడ్స్‌ అండ్‌ ట్రాన్స్‌పోర్ట్‌ అథారిటీ వర్గాలు వెల్లడించాయి. ఈ మూసివేతతో ఈ వీకెండ్‌ ఆ రోడ్‌పై ఆధారపడ్డ ప్రయాణీకులు కొన్ని ఇబ్బందులు ఎదుర్కోవాల్సి రావొచ్చు. ప్రత్యామ్నాయ మార్గాల్ని ఎంపిక చేసుకోవడం ద్వారా వాహనదారులు ఇబ్బందుల్ని అధిగమించేందుకు అవకాశం ఉంది. అల్‌ హదికా స్ట్రీట్‌, అల్‌ మెదాన్‌ రోడ్‌ - ఇంటర్‌ఛేంజ్‌ 2 నుంచి సోమవారం ఉదయం 5 గంటల వరకు మూసివేయనున్నారు. షేక్‌ జాయెద్‌ రోడ్‌లోని సౌత్‌ బ్రిడ్జ్‌పై ట్రాఫిక్‌ స్మూత్‌గా వెళ్ళేందుకు ఈ చర్యలు తీసుకున్నారు. అల్‌ హదికా స్ట్రీట్‌ మీదుగా వెళ్ళేవారు ఉమ్‌ అల్‌ షీఫ్‌ రోడ్‌ని వినియోగించుకోవచ్చు. అల్‌ మేదాన్‌ రోడ్‌ ద్వారా వెళ్ళాల్సినవారు అల్‌ మనారా బ్రిడ్జ్‌ ఎగ్జిట్‌ని ఉపయోగించాలి. సదరన్‌ బ్రిడ్స్‌ జులై 1న ప్రారంభమవుతుంది. కొత్త బ్రిడ్జ్‌పై ఆరు లేన్లను తొలి ఫేజ్‌లో ప్రారంభించారు. మిగతా లేన్లను ప్రస్తుతం ఓపెన్‌ చేస్తారు.