ఫోర్‌ వీల్‌ డ్రైవ్‌ వెహికిల్‌, ఓ ట్రక్కుని ఢీ కొన్న ఘటనలో ఎమిరేటీ యువకుడు మృతి చెందినట్లు షార్జా పోలీసులు వెల్లడించారు. అల్‌ దైద్‌ రోడ్‌పై ఈ ప్రమాదం చోటు చేసుకుంది. ప్రమాద సమయంలో కారు గంటు 180 కిలోమీటర్ల వేగంతో ప్రయాణిస్తోందని, ట్రక్కుని రాంగ్‌ రూట్‌లో వెళుతున్నప్పుడు దాన్ని ఓవర్‌టేక్‌ చేయాలనుకోవడంతో ఈ ప్రమాదం చోటు చేసుకున్నట్లు పోలీసులు తెలిపారు. ఈ ప్రమాదంలో 21 ఏళ్ళ యువకుడు మృతి చెందగా, 24 ఏళ్ళ డ్రైవర్‌ గాయాలపాలయ్యాడు. తీవ్ర గాయాల పాలైన డ్రైవర్‌ని ఆసుపత్రికి తరలించారు. షార్జా పోలీసులు, వాహనదారుల్ని ట్రాఫిక్‌ నిబంధనలు పాటించాల్సిందిగా విజ్ఞప్తి చేస్తున్నారు. పిల్లలకు సరైన డ్రైవింగ్‌ స్కిల్స్‌ నేర్పించాలనీ, వాహనాల్ని వారు నడుపుతున్నప్పుడు తగిన జాగ్రత్తలు తీసుకోవాలని పోలీసులు హెచ్చరించారు