రష్యా-వీడియోగేమ్‌ను నిషేధించిన సౌదీ, కువైట్ తదితర దేశాలు న్యూయార్క్, జూలై 21: ప్రపంచవ్యాప్తంగా 26కు పైగా దేశాల్లో విడుదలైన ఆన్‌లైన్ రియాల్టీ గేమ్ పొకెమాన్ పలు దేశాల్లో ప్రకంపనలు సృష్టిస్తున్నది. స్మార్ట్‌ఫోన్‌లో యాప్ ఆధారంగా ఆడే ఈ గేమ్‌లో వాస్తవ ప్రదేశంలో ఒకరు పెట్టిన పొకెమాన్ చిత్రాన్ని జీపీఎస్ ద్వారా గూగుల్ మ్యాప్స్ ద్వారా వెతుక్కొంటూ వెళ్లి ఆటగాళ్లు దానిని గుర్తించాల్సి ఉంటుంది. ఈ గేమ్ ఇస్లాంకు వ్యతిరేకంగా ఉన్నదని సౌదీ అరేబియా మత పెద్దలు పొకెమాన్‌పై ఇప్పటికే ఉన్న ఫత్వాను పునరుద్ధరించారు. దేశవ్యాప్తంగా పలు ప్రాంతాల్లో ఉన్న మందుపాతర్లపై నడిచే ప్రమాదముందని ఈ గేమ్‌ను ఆడే ఆటగాళ్లను బోస్నియా హెచ్చరించింది. పొకెమాన్ గేమ్ అమెరికా గూఢచారి సంస్థ సీఐఏ కుట్రలో ఈ గేమ్ ఓ భాగమని రష్యా ఆరోపించింది. ప్రభుత్వ వెబ్‌సైట్ల ద్వారా ఈ యాప్‌ను ఉపయోగించడాన్ని కువైట్, ఇండోనేషియా, ఇజ్రాయెల్, దక్షిణ కొరియా దేశాలు నిషేధించాయి. అలాగే వ్యక్తిగత సమాచారాన్ని పణంగా పెట్టొద్దని హెచ్చరించాయి.