కబాలికి ఓ కూతురు ఉందన్న విషయంతో ఇంటర్వెల్‌ కార్డు పడుతుంది. ఆ తర్వాత కబాలికి ఓ వూహించని విషయం తెలుస్తుంది. శత్రువుల చేతిలో చనిపోయిందనుకున్న తన భార్య బతికే ఉందన్న విషయం తెలుసుకున్న కబాలి ఇండియాకు వస్తాడు. ఆమె కోసం అన్వేషణ చేసి చివరకు కలుసుకోగలుగుతాడు. ఈ నేపథ్యంలోనే మరోసారి కబాలి కుటుంబపై శత్రువులు దాడి చేస్తారు.అనంతరం కుటుంబంతో కబాలి మలేషియా వెళ్తాడు. కబాలి ఇండియా రావటం.. భార్య కోసం అన్వేషణ చేయటం.. తదితర సన్నివేశాలతో కథలో కొంచెం వేగం తగ్గినట్లు అనిపిస్తుంది. అయితే మరోసారి శత్రువులు దాడి చేయటం, కథ మలేషియా షిఫ్ట్‌ అవడంతో ప్రేక్షకుడిగా ఆసక్తి మొదలవుతుంది. తన కుటుంబంపై దాడి చేసిన వారిపై 'కబాలి' ఎలా ప్రతీకారం తీర్చుకుంటాడు ఇవన్నీ ప్రేక్షకుడిలో ఉత్కంఠ రేపుతాయి.