ప్రో కబడ్డీ లీగ్ సీజన్-12లో ఉత్కంఠ భరిత దశకు చేరుకుంది.ఇవాళ తెలుగు టైటాన్స్ మరియు పట్నా పైరేట్స్ జట్ల మధ్య ఎలిమినేటర్-3 పోరు జరగనుంది.ఈ మ్యాచ్‌లో ఓడిపోయిన జట్టు నేరుగా టోర్నీ నుంచి తప్పుకోనుంది, గెలిచిన జట్టు మాత్రం రేపు జరిగే క్వాలిఫయర్-2లో పుణేరి పల్టాన్‌తో తలపడనుంది. ఇప్పటికే నిన్న జరిగిన క్వాలిఫయర్-1లో దబాంగ్ ఢిల్లీ, పుణేరి పల్టాన్‌పై గెలిచి ఫైనల్ బరిలోకి అడుగుపెట్టింది. ఇక ఈరోజు జరిగే పోరు ద్వారా ఫైనల్‌కు దారితీసే మరో జట్టు ఎవరో నిర్ణయించబడనుంది.

తెలుగు టైటాన్స్ ఈ సీజన్‌లో(Pro Kabaddi) అద్భుతమైన ఫామ్‌లో ఉంది. తమ రైడర్ల దూకుడు, రక్షణలో కచ్చితత్వం ఫ్యాన్స్‌లో ఆశలు రేకెత్తించాయి. ఇక పట్నా పైరేట్స్ కూడా అనుభవజ్ఞులైన ఆటగాళ్లతో బలంగా నిలబడి ఉంది. ఈ పోరు ఉత్కంఠ భరితంగా సాగనుందనే అంచనాలు ఉన్నాయి. ప్రేక్షకులు, అభిమానులు ఈ పోరును ఆసక్తిగా ఎదురుచూస్తున్నారు. టైటాన్స్ జట్టు ఈసారి అయినా ఫైనల్‌కు చేరి విజేతగా నిలుస్తుందా అన్నది చూడాలి.