యూఏఈః యూఏఈలో ఈద్ అల్ ఫితర్ సందర్భంగా వర్షం పడే అవకాశాలు ఉన్నాయని వాతావరణ శాఖలోని నిపుణులు అంచనా వేస్తున్నారు. అయితే, అప్పటివరకు పరిస్థితుల్లో మార్పులుండే అవకాశం కూడా ఉందని నేషనల్ సెంటర్ ఆఫ్ మెటియాలజీ (NCM)లోని వాతావరణ శాస్త్రవేత్త డాక్టర్ అహ్మద్ హబీబ్ అన్నారు. అల్పపీడనం కొనసాగితే ఈద్ సమయంలో వర్షాలు పడే అవకాశం ఉందన్నారు.  

దుబాయ్, అబుదాబి మరియు రాస్ అల్ ఖైమా వంటి ఉత్తర ఎమిరేట్‌లతో సహా యూఏఈలోని కొన్ని ప్రాంతాలలో వర్షపాతం నమోదైందని తెలిపారు. రాబోయే రెండు మూడు రోజులపాటు వర్షాలు కురిసే అవకాశం ఉందని డాక్టర్ హబీబ్ వివరించారు. రాబోయే రోజుల్లో ఉష్ణోగ్రతలు క్రమంగా పెరిగే అవకాశం ఉందని, గరిష్ట ఉష్ణోగ్రతలు 38–39°C వరకు చేరుకుంటాయని పేర్కొన్నారు.