కువైట్: కువైట్ ప్రధాన మంత్రి షేక్ అహ్మద్ అల్-అబ్దుల్లా అల్-అహ్మద్ అల్-సబా కొత్త కువైట్ అంతర్జాతీయ విమానాశ్రయ టెర్మినల్ (T2) ప్రాజెక్ట్ ను పరిశీలించారు. టెర్మినల్‌లో జరిగే వీక్లీ క్యాబినెట్ సమావేశంలో భాగంగా ప్రధాన మంత్రి ఆ స్థలాన్ని సందర్శించారు. పర్యటన సందర్భంగా మంత్రులతో పాటు, ప్రజా పనుల మంత్రి డాక్టర్ నౌరా అల్-మషాన్ ఈ మెగా ప్రాజెక్ట్ గురించి ప్రధాన మంత్రికి వివరించారు.

ఇది కువైట్‌లోని మెగా డెవలప్‌మెంట్ ప్రాజెక్టులలో ఒకటి అని ఆయన అన్నారు. షెడ్యూల్ ప్రకారం పనులను పూర్తి చేయాలని అధికారులకు సూచించారు. పనులను వేగవంతంగా పూర్తి చేయడానికి అన్ని డిపార్ట్మెంట్ల అధికారులు సమన్వయంతో పనిచేయాలని ఆదేశించారు. అనుకున్న ప్రకారం నిర్ణీత సమయంలో పనులను పూర్తి చేయాలని అధికారులకు కువైట్ ప్రధాన మంత్రి సూచించారు.