కువైట్: కువైట్ లో తీవ్రమైన ట్రాఫిక్ ఉల్లంఘనలకు పాల్పడిన వాహనాలను అధికారులు ధ్వంసం చేశారు. చట్టాలను ఉద్దేశపూర్వంగా బ్రేక్ చేసిన  డ్రైవర్లపై కఠినమైన చర్యలలో భాగంగా అనేక వాహనాలను ధ్వంసం చేసి మెటల్ రీసైక్లింగ్ కోసం పంపినట్లు మంత్రిత్వ శాఖ తెలిపింది.

ప్రజల భద్రతకు హాని కలిగించే లేదా రహదారి భద్రతకు అంతరాయం కలిగించే ట్రాఫిక్ ఉల్లంఘనల పట్ల రాజీలేని పోరాటం కొనసాగుతుందని పోలీసులు తెలిపారు.  ఇతరులకు ప్రమాదం కలిగించే ఎవరిపైనైనా చట్టాన్ని కఠినంగా అమలు చేస్తామని మంత్రిత్వ శాఖ హెచ్చరించింది. వాహనదారులు బాధ్యతాయుతంగా వ్యవహరించాలని సూచించింది.