కువైట్: కువైట్ లో డిజిటల్ కామర్స్ చట్టం కింద వాణిజ్య మరియు పరిశ్రమల మంత్రిత్వ శాఖ కొత్త నిబంధనలను ప్రకటించింది. ఆన్‌లైన్ వ్యాపారాలు, ఎలక్ట్రానిక్ ప్రకటనలు మరియు వినియోగదారులపై సోషల్ మీడియా ప్రభావాన్ని పర్యవేక్షించడం లక్ష్యంగా వీటిని తీసుకొచ్చినట్లు తెలిపారు. వినియోగదారులను మోసం చేసే లేదా తప్పుదారి పట్టించే ఏవైనా ప్రచార ప్రచారాలలో ఇన్ఫ్లుయెన్సర్‌లను ఉపయోగించడాన్ని చట్టంలోని ఒక కీలక నిబంధన నిషేధిస్తుంది. మనీలాండరింగ్ నిరోధక రూల్స్,  సెంట్రల్ బ్యాంక్ నిబంధనలకు అనుగుణంగా సురక్షితమైన పద్ధతుల ద్వారానే ఇన్ఫ్లుయెన్సర్‌లకు అన్ని చెల్లింపులు చేయాలని సూచించారు.
కువైట్‌లో అన్ని డిజిటల్ వాణిజ్య కార్యకలాపాలను నియంత్రించే కొత్త చట్టం, ఆన్‌లైన్ వాణిజ్యంపై స్పెషల్ ఫోకస్ పెట్టనుంది.వినియోగదారుల రక్షణ, ఆన్‌లైన్ ప్రకటనలు, ఎలక్ట్రానిక్ చెల్లింపులు, కాపీరైట్  మరియు డిజిటల్ ప్లాట్‌ఫారమ్‌లు, వేలంపాటల నిర్వహణ కోసం వివరణాత్మక రూల్స్ ను నిర్దేశించింది. లైసెన్సింగ్, డిజిటల్ ప్రకటనలు ప్రొవైడర్ గుర్తింపు, ఉత్పత్తి వివరాలు, ధర మరియు కాంటాక్ట్ సమాచారాన్ని స్పష్టంగా ప్రదర్శించాలి. ఆన్‌లైన్ ప్రకటనలలో ఏదైనా తప్పుదారి పట్టించే, తప్పుడు లేదా నకిలీ కంటెంట్ ప్రచురించే వారిపై కఠిన చర్యలు తీసుకుంటారు. ఒక సంవత్సరం వరకు జైలు శిక్ష, వెయ్యి నుండి 10 వేల కువైట్ దినార్ల వరకు జరిమానాలు మరియు ఆన్‌లైన్ స్టోర్‌ను సీజ్ చేస్తామని అధికారులు హెచ్చరించారు.