మనమా: బహ్రెయిన్ లేబర్ మార్కెట్ రెగ్యులేటరీ అథారిటీ (LMRA) అక్టోబర్ 26 నుండి నవంబర్ 22 వరకు మొత్తం 7,875 చోట్ల ప్రత్యేక తనిఖీలను నిర్వహించింది. ఈ సందర్భంగా కార్మిక మరియు నివాస చట్టాలను ఉల్లంఘించిన 301 మందిని దేశం నుంచి బహిష్కరించారు.  

అక్టోబర్ 26 మరియు నవంబర్ 1 మధ్య 78 మందిపై చర్యలు తీసుకోగా, నవంబర్ 2 నుండి 8 వరకు 52 మందిపై, నవంబర్ 9 నుండి 15 వరకు 58 మందిని, నవంబర్ 16 నుండి 22 వరకు 113 మందిని బహిష్కరించినట్లు అథారిటీ వెల్లడించింది.

అధికారిక వెబ్‌సైట్ www.lmra.gov.bh లేదా కాల్ సెంటర్ 17506055 ద్వారా నివాస, కార్మిక చట్టాల ఉల్లంఘనలను తెలియజేయాలని LMRA కోరింది.