కువైట్: కువైట్ లో విజిట్ వీసాలను రెగ్యులర్ రెసిడెన్సీగా మార్చుకునే అవకాశం ఐదు రకాల కేసులలోనే సాధ్యం అవుతుందని కువైట్ ఇంటీరియర్ మినిస్ట్రీ తెలిపింది. ఈ మేరకు మొదటి ఉప ప్రధాన మంత్రి షేక్ ఫహద్ అల్-యూసెఫ్ విదేశీయుల నివాసంపై డిక్రీ జారీ చేశారని వెల్లడించారు. ఇందులోని నిబంధనలలోని ఆర్టికల్ 16 ప్రకారం, విజిట్ వీసాను రెగ్యులర్ రెసిడెన్స్ పర్మిట్‌గా మార్చుకోవడానికి అనుమతించినట్లు తెలిపారు. 

మంత్రిత్వ శాఖలు, ప్రభుత్వ అధికారులు లేదా ప్రభుత్వ సంస్థలకు ప్రభుత్వ విజిట్ వీసాపై వచ్చే వ్యక్తులకు అనుమతించారు. దీంతోపాటు విశ్వవిద్యాలయ డిగ్రీలు లేదా టెక్నాలజీ స్పెషలైజేషన్లు కలిగి ఉన్నవారికి కూడా వర్తిస్తుంది. ఇందు కోసం నివాస వ్యవహారాల జనరల్ అడ్మినిస్ట్రేషన్ డైరెక్టర్ జనరల్ ఆమోదం పొందాలని సూచించారు.

ఇక ప్రారంభంలో విజిట్ వీసాపై ప్రవేశించిన గృహ కార్మికులకు వివిధ నిబంధనల ప్రకారం రెసిడెన్సీ వీసాగా మార్పు చేసేలా అవకాశం కల్పించారు.   వీటితోపాటు రెసిడెన్స్ వ్యవహారాల జనరల్ అడ్మినిస్ట్రేషన్ డైరెక్టర్ జనరల్ సముచితంగా భావించిన అదనపు కేసులలో విజిట్ వీసాను రెగ్యులర్ రెసిడెన్స్ పర్మిట్‌గా మార్చుకునేందుకు అనుమతిస్తారని కువైట్ ఇంటీరియర్ మినిస్ట్రీ వెల్లడించింది.