లండన్: హ్యూమటేరియన్, దాతృత్వ రంగాలలో సౌదీ అరేబియా ప్రపంచానికి పెద్దన్నగా మారింది. ఇప్పటివరకు $142 బిలియన్లకు పైగా ఖర్చు చేసిందని,8,406 ప్రాజెక్టుల ద్వారా ప్రపంచవ్యాప్తంగా 173 దేశాలు ప్రయోజనం పొందాయని కింగ్ సల్మాన్ హ్యుమానిటేరియన్ ఎయిడ్ అండ్ రిలీఫ్ సెంటర్ (KSrelief) సూపర్‌వైజర్ జనరల్ డాక్టర్ అబ్దుల్లా అల్ రబీహ్ వెల్లడించారు. లండన్‌లోని గ్రేట్ ఓర్మాండ్ స్ట్రీట్ హాస్పిటల్‌లోని జాయెద్ సెంటర్ ఫర్ రీసెర్చ్ ఇన్‌టు రేర్ డిసీజ్ ఇన్ చిల్డ్రన్‌లో మానవత్వం పై ఆయన ఉపన్యాసం ఇచ్చారు. ప్రపంచవ్యాప్తంగా అగ్ర దాతలలో సౌదీ అరేబియా టాప్ ప్లేసులో ఉందన్నారు.

రెండు పవిత్ర మసీదుల సంరక్షకుడు రాజు సల్మాన్, క్రౌన్ ప్రిన్స్ మరియు ప్రధాన మంత్రి మొహమ్మద్ బిన్ సల్మాన్ మార్గదర్శకత్వంలో సౌదీ హ్యూమటేరియన్ వర్క్ ప్రపంచవ్యాప్తంగా ప్రత్యేక స్థానాన్ని పొందిందని డాక్టర్ అల్-రబీహ్ పేర్కొన్నారు. 2015లో స్థాపించబడినప్పటి నుండి కెఎస్ రిలీఫ్ 109 దేశాలలో $8.25 బిలియన్లకు పైగా విలువైన 3,881 ప్రాజెక్టులను అమలు చేసిందన్నారు. ఇందులో ఆరోగ్యం, ఆహార భద్రత, విద్య మరియు నీరు వంటి కీలక రంగాలు ఉన్నాయని వెల్లడించారు.