కువైట్: కువైట్ లో అరేబియన్ గల్ఫ్ స్ట్రీట్ ను నాలుగు రోజులపాటు మూసివేయనున్నట్లు జనరల్ ట్రాఫిక్ డిపార్ట్‌మెంట్ వెల్లడించింది. ఇంజనీర్స్ అసోసియేషన్ ఇంటర్ సెక్షన్ నుండి అమిరి హాస్పిటల్ ఇంటర్ సెక్షన్ వరకు ఉన్న అరేబియన్ గల్ఫ్ స్ట్రీట్‌ను గురువారం సాయంత్రం 6:00 గంటల నుంచి ఆదివారం ఉదయం 6:00 గంటల వరకు పూర్తిగా మూసివేస్తున్నట్లు ప్రకటించింది.

ఈ ప్రాంతంలో జరుగుతున్న అభివృద్ధి పనుల కోసం ట్రాఫిక్ ఆంక్షలను అమలు చేయనున్నట్లు తెలిపింది. ఆంక్షలు అమల్లో ఉన్న సమయంలో వాహనదారులు ప్రత్యామ్నాయ మార్గాలను ఉపయోగించాలని కోరారు.