హిందూ మహా సముద్రంలో భారీగా సహజవాయువు నిక్షేపాలు గుర్తించారు. అమెరికా, భారత్‌ సంయుక్త అన్వేషణలో ఈ నిక్షేపాలు బయటపడ్డాయి. భారత చమురు మంత్రిత్వ శాఖ, అమెరికా జియోలాజికల్‌ సర్వే సంయుక్తంగా నిర్వహించిన అన్వేషణలో భాగంగా హిందూ మహా సముద్రంలో తొలిసారి సహజవాయువు నిక్షేపాలు కనుగొన్నట్లు అమెరికా ఏజెన్సీ ఓ ప్రకటనలో తెలిపింది. రాబోయే రోజుల్లో సహజవాయువు అవసరాలను తీర్చడానికి ఈ నిక్షేపాలు ఉపయోగపడనున్నాయి. 2014 సెప్టెంబరులో భారత్‌ హిందూ మహాసముద్రంలో సహజవాయువు నిక్షేపాల అన్వేషణకు అమెరికాతో ఒప్పందం కుదుర్చుకుంది.