కువైట్: కువైట్  నుంచి ఇండిగో KWD 448,793 ట్యాక్స్ నోటీసులు అందుకుంది. ఈ మేరకు ఇండిగో ఎయిర్‌లైన్స్ మాతృ సంస్థ ఇంటర్‌గ్లోబ్ ఏవియేషన్ లిమిటెడ్‌కు నోటీసులు అందజేశారు. 2021–22 నుండి 2024–25 వరకు అసెస్‌మెంట్ సంవత్సరాలకు సంబంధించి కువైట్ ట్యాక్స్ క్లెయిమ్‌ల విభాగం మొత్తం KWD 448,793 (₹13.16 కోట్లు) ఆదాయపు పన్ను చెల్లించాలని నోటీసులు జారీ చేసింది.  

డిసెంబర్ 8న కువైట్ తనిఖీ కంట్రోలర్ మరియు యాక్టింగ్ డైరెక్టర్ నుండి ఆర్డర్ అందుకున్నట్లు ఇంటర్‌గ్లోబ్ ఏవియేషన్ ధృవీకరించింది. నోటీసులో నాలుగు ఆర్థిక సంవత్సరాలకు సంబంధించిన పన్ను బకాయిలు మరియు జరిమానాలు రెండూ ఉన్నాయని తెలిపింది. అయితే, ఇప్పటికే చెల్లించాల్సిన ట్యాక్సులను చెల్లించామని, నోటీసులపై త్వరలోనే న్యాయనిపుణులతో సంప్రదిస్తామని వెల్లడించారు. కాగా,  ఈ నోటీసులు తమ కార్యకలాపాలపై ఎటువంటి ప్రభావాన్ని చూపదని స్పష్టం చేసింది.