మస్కట్: ఒమన్‌లోని వాణిజ్యం, పరిశ్రమలు మరియు పెట్టుబడి ప్రమోషన్ మంత్రిత్వ శాఖ రియల్ బెనిఫిషియరీ సర్వీస్‌ను అధికారికంగా ప్రారంభించింది. ఇది కార్పొరేట్ వ్యవహారాల్లో పారదర్శకతను పెంచడంలో ఒక ముఖ్యమైన అడుగుగా తెలిపింది.  అన్ని లీస్టెడ్ కంపెనీలు కొత్త నిబంధనలకు అనుగుణంగా వారి నిజమైన లబ్ధిదారుల సమాచారాన్ని సమర్పించాలని మంత్రిత్వ శాఖ సూచించింది.

వాణిజ్య కార్యాకలాపాలపై పర్యవేక్షణను బలోపేతం చేయడం, ఆర్థిక దుష్ప్రవర్తనను నిరోధించడం మరియు మనీలాండరింగ్ కు వ్యతిరేకంగా అంతర్జాతీయ ప్రమాణాలకు అనుగుణంగా ఈ మేరకు చర్యలు తీసుకున్నట్లు వెల్లడించింది. ఈ కొత్త నిబంధనలను పాటించడం తప్పనిసరి అని మంత్రిత్వ శాఖ తెలిపింది.  ఒమన్ బిజినెస్ ప్లాట్‌ఫామ్ ద్వారా కంపెనీలు తమ రికార్డులను వెంటనే అప్డేట్ చేయాలని కోరింది.